Marraztuko nuke zure bihotzean

Maitasuna oihal dugula ezpainetan

Gustuko zerumugan bidaiatu dezagun.

Ederra zara gaurko ikuspegian

Bortziriak bisitatzea erabakia izan dugu

Mendiz osatutako paisaia zure ikusmiran

Eszenatoki erromantiko bilakatu dugularik.

Saminaren zoriona etortzen zait uneoro.

Ilunabar sutsuenean lasaitasuna nagusi

Besarkatu gaitezen gauari zelatan

Iluntasunarekin batera ohea menpea izan dadin.

Belarrak hor jarraituko du, maitea,

Esaten didazunean erosotasuna dator

Uholde baten antzera sentitutako emozioa

Erratzu, Elizondo, Elbete… sentitzean.

Hona etorri gara gure artekoa gozatu dezagun.

Ezin dut idazteari utzi zutaz sentitzen dudana adierazteko.

Uste nuen ez ginela une hauetan elkarrekin egongo.

Hitz goxo batzuekin hasi baitzen dena.

Ezin zaitut hitz zehatzekin deskribatu

Hain zarenez dena niretzat…

Baita bakoitza bere zereginetan gaudenean ere,

Ostera, kontzertu ederra eman dezagun gozamenez jositako ohe sendoan.

Badakizu, bai, baina…,

…Maite zaitut.

(Eugeni Alzibar)