Gogoratzen al zara nire etxean lo egiten genuenean?

Hasi baino ez zen egin gure istorioa

Eta nire familiarekiko ez zenuen inongo mozketarik sentitu

Orain biok bakarrik bizi gara eta gure bizitza egiten dugu

Besarkatuak ernatzen gara jada horrela lo egin dugularik 

Haiekin ere bai eta askatasun hori ematen ziguten

Gaur beraiekin bazkaldu dugu aitak prestatutako bazkari goxoa

Ostera, nire etxekoekin egon gara lasaitasun osoz

Hondartza aldera paseatzera joatea erabaki dugun arte

Itsasoak ekarritako kresalak portua ikusiarazi digu

Xuxurla goxo bat entzun dut eta zure ahotsa zen

Besarkatuak lo egingo dugula esan didazu kotxean sartu nauzunean

Ken Zazpik ere haizeak bezala laztanduko gaitu etxerako bueltan.

Afalosteko egoera lasaiak norberaren irakurmena ekarri digu

Sofan bestearen alboan bakoitza bere liburuarekin

Lotara joango gara geure sendotasun maitagarrian

Maitasuna batak besteari eginik lausoak zeharkatuko ditugu

Pasioak hellarazitako horiek gozamenetan lehertu arte.

Maite zaitut

(Eugeni Alzibar)