Ilunaren ortzimuga

Gerora egunsenti bilakatu dena

Lehena zara iratzartzen

Nik pixkanaka nabaritzen zaitudan heinean

Bart gauean egin genuena

Errepikatzen badugu une batez?

Erdi lo egotearen kontzientzia

Zure besarkadan hasitako desioa

Isladan murgildutako amodioa

Zure barruan askatutako patua

Muxuez eskertutako eromenak

Emozio guztietan adierazitako umorea

Maite zaitudala esateko kemena

Soberan edukitako denbora

Altxorrik desiratuena parean dudalarik...

...Altxatu naiz urduri ez egoteko

Buru-makur nola ikusiko zaitudan beldurrez...

...Barkatu, mesedez, iraganean...

...Beldur nintzela begiak itxiz

Eta arnasa hartuz ideiak ordenatu

Ez nintzen nire jabe, nola esan?

Zure bila nenbilen ilunean

Begiak ireki nituen...

Ez zinen

...Orain egin ditudan antzera

Zure gailurrean nagoela

Sumendi desiratura iristear

Oihutxoak eginarazi dizkidazu

Barrez gaude elkarri begiratzen

Behin eguna hasita dugularik

Uneoro neure buruari esaten diodan

Zerbait gogoraraziko dizut:

Maite zaitut

(Eugeni Alzibar)