Lasai dago dena

Ohartzen gara siestatik

Begiak iratzartzean besarkatuak

Aurkitzen gara loak hartu dugunaren antzera

Maite zaitudalako miresmenak zugana narama

Ortzian barrena egon zara menditik korrika

Bazkaldu aurretik emandako muxu goxoak

Bart gauean ohean ederki jolastu ginenekoa

Une hauetan zu erreparatzea erabaki dut.

Niri begira zaude irritxo bat eginez

Goxo-goxo sortu dugu gure artekoaren egokitzapena

Umoretik abiatuak

Arrarotasunarekiko ulermena

Enpatiaren zalantzarik eza

Maitasunaren patua…

…Eta eromenaren zentzua

Horregatik idazten dizkizut hitz hauek

Mihia ondo patinatuz

Zoriontsua izan dezan bera ere zure azalean zehar

Zuk erakutsi baitzenidan jolas hori

Gorputzak biluzik oreka bilatuz

Eta istorio hau oparoa izan dezan

Gure amodioa uneoro bilakatuz

(Eugeni Alzibar)