Ezer gehiago gabe ere molda gaitezke

Sekula emandako muxuen laztanak

Eta zure ezpainak nire gorputzean zehar

Sukaldetik sardexka eta plateraren hotsak

Afaria prestatzen zaude goxotasunez

Jada bainutxoa elkarrekin hartu dugularik

Euria da kanpoaldean.

Gure muxuen babesleku

Egunaren negarrak sortutako zorionak

Zure besoen artean kokatu nau

Zenbat maite zaitudalaren gainetik

Loaren zaintzan nagoela esateko:

"...Sekula ez naiz hemendik joango..."

Buelta eman duzu ni besarkatzeko

Ohikoa izanez balioa helaraziz:

"...Eta gure artekoari kemenez indartuz

Paturaino iritsiko gara behin-betiko..."

Zoragarria zara

(Eugeni Alzibar)