IDATZIAK
2022 - 05 - 29
Zerua urdin esnatu denean
Nigan igarotako uneetaz oroitu naiz
Lo zauden bitartean
Nigan islatutako hainbat gogoeta
Laztantzen ditut
Ez da behar askorik egonean egoteko
Zugan sortutako portutxoan ditut tontorrak
Non sumendiak sortzen direlarik
Emozioak goxo-goxo jaiotzen baitira
Elkar aurkitutako amodioan barneratzeko.
Arratsalde aratzan etxean gelditu nahi dut
Pasatakoaz pentsatu, nigan ospatu
Lehioak irekita edukiko ditut
Eta zu paseatzera aterako zara
Oraindik ezin dut sinetsi
Gertatu den guztia
Zorteduna sentitzea
Zoriontasunaz gozatzea
Gaueko erotasunari esker
Batzen gaituen kontzertua eman dugu
Oihu inprobisatu bakoitza
Taupaden talka muxukatuz
Loan galtzen gara ostean
Elkar besarkatuz
Inoiz ez
Ohikoa den sekretua xurxulatu gabe:
Maite zaitut
(Eugeni Alzibar)