Ur beroa ageri da jada gure dutxan

Eta elkarrekin bainatu gara, iluntzean

Larunbata izanik, etxean gaude

Gutxitan ateratzen baikara

Berandu den arte

Letra horretaz maitemindu nintzen

Zurekin egin nuen bezala

Lasaia zait hausnarketa hori

Eta pentsakor sentitzen naiz

Irakurtzen gaudela, afalostean

Irritxo bat atera zait

Hitzak aztertzen nituen heinean

Nire baitan beti

Bihotzetik partekatzen dut izaera

Irriz, begiradaz, muxuz, laztanez...

...Baina sekula ez hitzez...

...Eta ez dut horrela ezer zor

Niganako mesfida horri

Etengabe besarkatzen nauena

Ostera zu laztanduz

Nire azalaren bitartez

Sakontasun osoz muxukatuz

Amodioa egiterainoko

Kontzertua osatuz

Sentsazio ezin hobeagoak

Elkarri helaraziz

Sekula bukatuko ez den

Beheko iturritxoa

Partekatuz

Maite zaitut

(Eugeni Alzibar)