Irakurtzen ari naizenean

Nire magalera etortzen zara

Zer irakurtzen ari naizen jakiteko

Ostera, zuk ere zure liburua hartzen duzu

Ni definitzen nauen ekintza berbera

Ikuspuntu filosofiko batetik

Aztertu ahal izateko.

Zu, zu zara

Ni, ni naiz

Adar ezberdinetatik gatozen arren

Beti izango dut

Heziketa Berezi bateko sen hori

Zin egin nion norbaiti

Ostera Psikologia egingo nuela

Eta oso garbi daukat

Halaxe egingo dudala

Baina, orain apirilean gaude

Hilabete nahiko gogor batean, niretzat

Dena den, urtez urte hobetzen doan

Noraezean suntsitutako kemenak

Zarautz eta Tolosan pentsatzera narama

Ez dut sekula galduko

Definitzen didan inongo izaerarik

Filosofiaren ikuspuntutik

Hausnartua bada behintzat

Irakurketa lasaiaren ostean

Zoramenak dakar ohean egiten dugun

Amodioaren menpeko eztanda

Muxuek jositako gorputzak

Mihiek elkartzerakoan

Sortutako jolasa

Ohean zehar

Batak bestearen gainean bueltaka

Kanpoan iluntasuna nagusi

Baina guk badakigu, bai

Lotzen gaituen algarek

Ireki dutela beheko iturriren bat

Plazera protagonista delarik

Une batez bada ere

Oihuek maitasuna areagotu didate, digute

Lo zaudelarik

Ia gauero lez pentsakor aurkitzen dut

Nire burua

Baina dena trankil dator

Bihar egingo dizkidazun

Galdera horiek ere

Orain zure magalean

Lo hartuko dudan bezala

Besarkatuko ditut

Malkoek uzten badidate

Zenbat maite zaitudala esanez

(Eugeni Alzibar)