Sinisten dudan une guztietan
Niganako ulerkotasunaz jabetzen naiz
Zein da gaitza?
Guztion batzen gaituen mina normala
Eta hori gertatzen zaidanean, eskerrak
Negarrez hasten naiz

Ez dut errekonpentsarik nahi
 Ezta gezur faltsurik ere
 Triste nago, alai nabil
 Begiak busti ezinik
 Gidatu nahiko nuke
 Bolante bst nire eskuetan
 Goxotasunez lasai pentsatzeko
 Errepideak uzten didan bitartean

Errekonpentsaren ezak
 Desio bat jaiotarazten du nire barnean
 Elkarrekin hasi aurretik berdina egin genuen zera
 Orduan hasi ginen gaueko kontzertuak ematen
 Ohean zehar goxo-goxo egiten
 ́Muxuen bidez gorputzak marraztuz
 Mihien sekretuak ezagutuz
 Guztia janez, desioak asetuz
 Eta etzanda nagoela
 Zaldi goxo baten barrura sartuz
 Zu ukituz, laztanduz
 Gozaraziz
 Mundua bere nahigabean ulertuz…
 

…Ekaitza leihoaren beste aldean…

Pozik nago
 Baina irudimen honetatik at
 Igande goxo bateko
 Eskakizun bat datorkit gogora
 Zein orain arte eskatzen
 Ausartu ez naizena
 Ene haurtzaroa gordetzen duen
 Ingurura eraman nazazu
 Zure familikideak ikusteko bada ere

Orendain itxaroten ari ote zait?

Maite zaitut

(Eugeni Alzibar)